ჩემს შესახებ

    ვარ სსიპ ერედვის მუნიციპალიტეტის ერგნეთ-მამისაანთუბნის საჯარო სკოლის სერთიფიცირებული  მათემატიკის მასწავლებელი,ამავდროულად   ამავე სკოლის დირექტორიც.      

          დავიბადე  ცხინვალის რაიონის სოფელ დისევში 1956 წლის 2 თებერვალს. 1990 წლიდან ყველასათვის ცნობილი მოვლენების გამო (დევნილის  სტატუსით) ვცხოვრობ გორში.  

        1973 წელს დავამთავრე ცხინვალის N1 საშუალო სკოლა.  იმავე წელს ჩავაბარე ცხინვალის პედაგოგიურ ინსტიტუტში,  ფიზიკა-მათემატიკის ფაკულტეტზე, რომელიც დავასრულე  1978 წელს . 

  ინსტიტუტის დასრულების შემდეგ მუშაობა დავიწყე დისევის საშუალო სკოლაში, ფიზიკის მასწავლებლად,სადაც ვმუშაობდი  1988 წლამდე. 1988 წელს პირადად ჩემი განცხადების საფუძველზე  დაფუძნდა დაწყებითი სკოლა  სოფელ  მამისაანთ-უბანში, სადაც  ვმუშაობდი 1989 წლამდე    სკოლის გამგე-მასწავლებლად. 

      90-იან  წლებში, როდესაც  ცხინვალიდან გამოდევნეს ეთნიკური  ქართველები, მოსახლეობის განცხადების საფუძველზე,ჩემი  უშუალო ხელმძღვანელობითა  და საქართველოს  განათლების  სამინისტროს  ხელშეწყობით  გაიხსნა ერგნეთ-მამისაანთუბნის უბნის საშუალო სკოლა,სადაც დავინიშნე სკოლის დირექტორად, ასევე ვასწავლიდი მათემატიკას  ამავე  სკოლაში.

              როგორც ზევით აღვნიშნე  ამჟამადაც  ვარ ერგნეთ-მამისაანთუბნის საჯარო სკოლის  მათემატიკის სერთიფიცირებული მასწავლებელი  და  ამავდროულად   სკოლის არჩეული დირექტორი.
             მყავს  მეუღლე -ელდარ ბესთაევი, ორი შვილი  და  ოთხი შვილიშვილი.

           დიდ დროს ვუთმობ ჩემს პროფესიულ განვითარებას,მაინტერესებს ყველაფერი ახალი და ინოვაციური, ვესწრებიპროფესიული განვითარების ტრენინგებს. მაინტერესებს სიახლეები,რაც დაკავშირებულია ჩემს პროფესიასთან და ისტ-ის გამოყენებასთანსასწავლო პროცესში.